Eit tempel tileigna Dikia i Adenburg.
Sjølve tempelet er i tempeldistriktet, som dei fleste andre tilbedingsstadene og kyrkjene i Burg, men fremjer ikkje seg sjølv slik andre tempel kan gjere, med store segl eller flagg. Det er ein kjellarinngang til eit hus der ein i dei fleste tilfelle minst må banke på for å kome inn.
På innsida er eit stort tilhaldsrom, der ei stor grue i midten av rommet både spreier varme og god matlukt til heile rommet, som stort sett er dekt opp med langbord og enkelt tilgjengeleg. “God mat er ein del av eit balansert kosthald,” seier ordtaket. Ikkje som ein del av faktisk forkynning, men som ein lokal viktigheit for dei som er tilknytt tempelet. I tilstøytande rom er sovesalar og lager, og eit eiget tempelrom, men her reknar mange tilhaldsrommet som minst like viktig for “tilbedinga” til Dikia.
Tempelet har rundt eit dusin folk i drift i ulike stillingar, og det er som oftast minst 20 personar innom for å preike skit, halde varmen, kvile, ete mat, eller snakke om trua.
Nokre folk som held hus her:
- Beter Govre, ordinert prest, kvartermeister og de facto sjef i tempelet. Det har vore ein tydelegare ypparsteprest her før (de høyrer innimellom historier om alven Eakob), men i minst eitt tiår har Beter vore “dagleg leiar” og held gåande meir enn berre lager av utstyr og mat i tempelet. Han har ikkje “rykka opp” enno, og ynskjer kanskje ikkje å gjere det heller (enno)
- Els, tilbaketrukken prest med ei vakker songstemme.
- Gatarina Wedelvoss, husmagiobjektidentifikator, mykje brukt til djupare kunnskap om magiske artefaktar. Snakkar med mange Dikia-tilbedarar frå rundtom i landet, men er litt einspora på magien ho omgir seg med, og held seg stort sett innomhus.
- Oremi, held oversikt over feltprestar og kommunikasjon med andre tempel
- Elmer, kokk. Ikkje fokk med ein kokk. Viktig skikkelse i det matfokuserte tempelet, og ein slags åndeleg grunnstamme i tempelet.
- Dorina, halvling og undergrunnsfeltprest (hands-on-konsulent for mellomliggande affærer) i tempelet. Trivst godt under bakken.
- Falkon, hengslete feltprestlærling i god kontakt med naturen.